General Santos City— Bolutaryong mitahan sa militar ang usa ka miyembro sa rebeldeng New People’s Army kon NPA human kining masamdan atol sa nahitabong engkwentro tali sa 73rd Infantry Battalion ug Guerilla Front 71.
Sumala kang Lt. Daryl Cansancio, tulo ang naitalang samdan han-ay sa rebeldeng grupo apan si Enantay Mangay lang ang mitahan pinaagi sa tabang sa mga sibilyan.
Milungtad matud pa ang maong engkwentro ug 20 minutos sa kabukiran nga bahin sa Sitio Larao, Malapatan, Sarangani Province.
Dugang pamahayag ni Lt. Cansancio nga basi sa inisyal nilang impormasyon basi sa pamahayag sa nasangpit, mukabat lang sila sa napulo nga nakig-engkwentro sa tropa sa militar.
Kung asa bag-uhay pa lang matud pa kining mi-apil sa kalihukan rason nga wala pa siya mahatagan ug armas ug iyahang trabaho mao lang matud pa ang pag-bitbit ug mga kaldero.
Igo pinusilan sa walang bahin s aiyahang bukton ang naangkon ni mangay nga hinungdan sa iyahang boluntaryong pagsurender.
