NPA LEADER ARESTADO
Dakpan sa hiniusang pwersa sa kpaulisan ug military ang usa ka commanding officer sa rebelding New Peoples’ Army (NPA) Platoon 1, Sagrado de Grabidad, Southern Regional Command samtang nagpaalim kini sa iyang samad pinusilan didto sa Davao Regional Medical Center sa Tagum city, Davao del Norte.
Giila ni P/BGen. Joselito Esquivel, Jr regional director sa Police Regional Office 13 ang nadakpan nga si Joel Delahilba, alyas ‘Kid/Viray/Noel Dadang’, 32 anyos ug residenti sa Brgy. Unaban, Tago, Surigao del Sur.
Si Delahilba ang nag-atubang ug kasong frustrated murder nga adunay girekomindang pyansa nga P200,000 ug kasong attempted murder uban ang pyansa nga P120,000.
Gisulod sa operatiba sa PRO 13, 9th Special Forces Company sa Phil. Army uban ang Tagum City Police Station ang hospital aron dakpon ang suspek pinaagi sa gahum sa ‘orden de arresto’ nga gipagawas ni Hon. Judge Liliberth Ladaga, sa Regional Trial Court Branch 28.
Ang maong dinakpan lakip sa pasyenting gikarga sa ambulansya sa Phil. Red Cross nga naharanmg sa mga otoridad didto sa Surigao del Sur padulong sa Tagum city kinsa adunay samad pinusilan sa wala’ng gusok ug parietal area.
Subay niini, padayong niapilar si P/BGen. Esquivel sa nahibiling mga NPA sa kabukiran nga mosurender na ug andam silang dawaton sa kapulisan ug military diha mouli sa sabakan sa balaod.
