Gipasiatab sa rebeldeng New People’s Army o NPA nga dili tinood nga daghang
mga aktibong rebelde ang boluntaryong mitahan ug mibalik sa sabakan sa
gobyerno.
Sa interview sa RMN Malaybalay ngadto kang CPP-NPA North Central Mindanao
Region spokesperson Ka Malem Mabini gibutyag niini nga taod-taod na matud
pa kini nga namahulay ang gi-ingon nitahan sa kasundaluhan.
Sigun niya nga walay bisan usa nga miembro sa ilang organisasyon ang
boluntaryong mitahan ug dugay na matud pang nipahulay kini ang gi-presenta
sa kasundaluhan subay sa ilang gihimong Community Support Program.
Samtang sa interview sa RMN Malaybalay ngadto kang 1Lt. Tere Ingente, ang
tigpamaba sa 4th Infantry Division kon 4ID gibutyag ninii nga si CPP
Founder Joma Sison ang nagamando sa ilang mga gaway sa nasud nga ipasiatab
ang mao nga istorya sa NPA nga naghimakak nga adunay nitahan nga mga sakop
niini.
Hugot usab nga gipahayag niini nga anaa sa NPA ang burden of proof kung
peke ba ang mga surrenderees.
Gihagit pa ni Ingente ang NPA nga mag-presenta sa ilang ebidensiya kung
peke ang mga nitahan.
Matud ninii nga ang Comprehensive Local Integration Program dili lamang
kini programa sa kasundalunan o kapulisan kon dili naglangkob kini sa
daghang buhatan sa gobyerno.
Gipahayag pa sa opisyal nga istrikto ang proseso sa pagberepika sa CLIP ug
dili basta na lang nga makapahimulos sa programa.
Bisan sa ilang hanay hugot matud pa nilang gisusi aron dili peke nga NPA
ang makadawat sa mao nga programa.
Gitawag usab ni Ingente nga nagkahuyang na ang rebeleng NPA.
