Davao City – Sa pinakaulahing rekord sa 10th Infantry Division mokabat na sa 846 ka mga membro sa New People’s Army ang nibalik sa sabakan sa gobyerno.
Atol sa AFP PNP Press Conference gibutyag ni 10th ID spokesperson Capt. Jerry Lamosao nikunhod ngadto sa 40% ang ihap sa mga NPA nga galihok sa Davao Region.
Sumala ni Lamosao maihap na lamang ang mahitabong panagsangka batok sa mga armado tungod kay nibalhin na ang pipila ngadto sa bounderies sa Bukidnon, North Cotabato, Davao Del Sur ug Davao Del Norte.
Subay niini nakatala ang 10TH ID og 20 ka engkwentro, 33 ka mga armas ang nasakmit samtang 45 ang surrendered firearms, 38 ka mga IEDS ang narekober ug 28 ka mga encampment sa mga terorista ang nadiskobrehan sa armadong kusog.
Matud ni Lamosao way puas ang ilang gihimong focused military operations diha sa komunidad aron magpabiling malinawon ug luwas ang mga katawhan batok sa pagpanghulga ug kasamok nga himuon sa mga NPA.
RadyoMaN Aimee Guinita
