Padayon ang gihimong monitoring sa kapulisan sa Misamis Oriental batok sa mga dautang lihok sa New Peoples Army o NPA.
Kini ang gibutyag ni Police Inspector Princess Joy Enriquez, Spokesperson sa Misamis Oriental Provincial Police Office kon MOPPO sa interview sa dxCC-RMN Cagayan de Oro.
Hinoon sa karon walay mga nasinateng problema ang kapulisan bahin sa NPA nga ilang ginabantayan sa tibuok lalawigan.
Matud ni Enriquez nga mando ni MOPPO Director, Police Sr. Supt. Rolando Destura nga hugtan kanunay ang paghatag seguridad ug magsunod sa police operational procedures.
Sa laing bahin, gipahinumduman usab ni Director Destura ang kapulisan sa Misamis Oriental nga likayan ang pagsulod sa mga bar or beer houses on duty man o dili.
Facebook Comments
