NPA, patay sa engkwentro sa Bukidnon

117

Gi-angkon sa grupong CPP-NPA nga adunay sakop nila ang namatay sa engkwentro tali sa militar niadtong Martes, (February 18, 2020) sa buntag.

Mahinumduman nga natigayon ang duha ka hugna nga engkwentro niadtong Martes sa kadlawon diin usa ang nahitabo sa Dumalaguing, Impasug-ong, Bukidnon ug laing engkwentro usab sa Kalatungan, Lilingayon, Valencia City sa halos magkaparehas nga oras.


Matud ni Ka Franco Mandigma, nagpa-ilang Information Officer sa National Democratic Front of the Philippines kon NDFP, nga ang namatay nga NPA mao si Renato Tilucan alyas Ka Sidlak, 30 anyos.

Namatay kini human naigo sa matud pa 50 caliber nga machine gun nga gipaulan sa AFP puntirya sa NPA didto sa Kalatungan, Brgy. Lilingayon, Valencia City, Bukidnon.

Dugang ni Mandigma nga magsilbing inspirasyon sa ilaha sa rebolusyonarnong kalihukan ang kamatayon ni Ka Sidlak.

Facebook Comments