Davao City – Patay ang usa ka miyembro sa New People’s Army kun NPA human sa nahitabong engkwentro alas 3:30 sa hapon niadtong Sabado, Mayo 26 sa Purok Kinawasan San Isidro, Lupon, Davao Oriental.
Sa report gikan sa 10th Infantry Division, Philippine Army, usa ka NPA ang namatay nga wala pa mailhi, tulo ka sundalo ang samaran ug daghang improvised explosive devices kun IED ang narekober sa kasundaluhan nga gipanag-iyahan sa NPA.
Matud pa nga nagkaengkwentro ang platoon sa 6SRC, 2ND SRB, 28th Infantry Battalion samtang naglusad og focus military operations.
Dugang niini, samaran ang tulo ka mga sundalo nga sila Sgt. Benjie Ortizano, Private First Class Juniel Liasgo ug Private First Class Warren Amora kinsa gipangdala na sa Camp Panacan Station hospital alang sa pagpatambal.
Padayong panawagan sa kasundaluhan ngadto sa pikas pundok ilabi na kadtong mga saraman sa nahitabong engkwentro nga mubalik na sa sabakan sa gobyerno aron mahatagan og medical nga pagtagad.
RadyoMaN Renz Barbarona
