NPA patay, sundalo samdan, sa engkwentro kagahapon sa Bukidnon

110

Patay ang usa ka miyembro sa New Peoples Army kon NPA human nga naka-engkwentro sa 8th Infantry Battalion, Philippine Army ang mao nga grupo alas 12 sa udto kapin kon kulang kagahapong adlawa.

Sa interview sa RMN Malaybalay ngadto kang Cpt. Norman Tagros, ang Civil Military Operations Officer sa 403rd Infantry Brigade gibutyag niini nga nahitabo ang engkwentro sa Barangay Bontongan, lungsod sa Impasug-ong, Bukidnon.


Matud ni Tagros nga nagresulta ang mao nga engkwentro sa usa ka NPA ang napatay samtang usa ka sundalo ang nasamdan nga karon kasamtangan nang gitambalan.

Sigun pa ninii nga ang mao nga engkwentro pamatood nga padayon ang ilang paghatag ug seguridad sa katawhan.

Sa karon padayon pa ang pakiglambigit sa kasundaluhan ngadto sa Local Government Unit kon LGU aron ma-retrieve ang mao nga patay nga lawas sa NPA nga napatay.

Hangtod karon padayon pa nga gi-ila ang mao nga NPA.

Unang gipahayag ni Ka Malem Mabini ang tigpamaba sa NPA NCMR nga nahitabo ang mao nga engkwentro sa mao nga barangay alas 12 sa udto kagahapon.

Naka-engkwentro matud pa sa 8th IB ang NPA NCMR front committee 89 ug gi-ingon ni Mabini nga duha ang nasamdan sa habig sa kasundalohan sukwahi sa gipahayag sa AFP.

Facebook Comments

From Advertisers