NPA subling nanghasi sa may Balingasag, Misamis Oriental

43

NPA subli nanghasi, dumptruck ug backhoe gisunog sa may Balingasag
Human sa pagpangsunog sa 3 ka truck dekarga ug shuttle bus sa del Monte Philippines sa may Claveria, Misamis Occidental subli nga nanghasi na usab ang mga NPA ug gisunog ang dumptruck ug backhoe sa usa ka barangay sakop sa Balingasag.
Apan gipahayag ni Lt. Colonel Ricoy Canatoy, commanding officer aa 58th Infantry Battalion ang ikaduhang pagsunog diversionary sa NPA human nasundan sa iyang tropa ang mga armado.
Kamatuorsn niini, Malampusong nadakpan sa tropa sa 58th IB Phil. Army ang usa ka membro sa rebelding New Peoples’ Army (NPA) kinsa maoy responsabli sa pagpangsunog sa mga ekipo ug Van nga iya sa Del Monte Philippines sa bukirang bahin sa Claveria, Misamis Oriental.
Pamahayag ni Colonel Canatoy, nga gilusad sa ilang tropa ang hot pursuit operation batok sa mga NPA nga wala pa makapalayu sa maong lugar hinungdan nga natigayon ang 15 minutos nga bakbakan.
Human sa operasyon nadakpan nila ang usa ka membro sa NPA nga giilang si ‘Alyas James’ kinsa membro sa Sentro de Grabidad (SDG) Sub-regional Committee 1 sa North Central Mindanao Regional Committee (NCMRC).
Sa gihimung interogasyon mikompisal si “Alyas James” nga gihimo nila ang pagsunog sa mga sakyanan sa Del Monte Philippines didto sa Brgy. Bulahan, Claveria Misamis Oriental ang mando ni Dionesio Micabalo, “alyas Ka Muling”, Secretary sa North Central Mindanao Regional Committee (NCMRC) gumikan kay pakyas ang naasyong kompanya sa paghatag sa ‘extortion demand’.
Gawas sa membro sa NPA nga nadakpan, arestado usab ang laing duha ka mga indibidwal nga nagsuporta kanila. Human sa engkwentro nakuha kasundaluhan ang bomba, bala ug mga subersibong dokumento.
Si LTC Ricky Canatoy, ang Battalion Commander sa 58th IB Phil. Army sa interview sa RMN DXBC Butuan.
Sa karon nagpadayon pa gihapon ang subsub nga operasyon batok sa uban pa’ng mga NPA nga naka-ikyas human sa engkwentro.

Facebook Comments