Ginhimo lang sang National Telecommunications Commission (NTC) ang ila obligasyon sa pag-issue sang Cease and Desist Order (CDO) sa broadcast operations sang media giant nga ABS-CBN Corp.
Sa interview sang DYHB kay Atty. Edmundo Manlapao Jr., presidente sang Integrated Bar of the Philippines (IBP) Negros Occidental Chapter, ginpahayag sini nga ang ginhimo sang NTC, ang sugo lamang sang ila mandato nga i-regulate ang mga TV kag Radio stations sa diin indi pwedi maka-operate ang mga ini kun wala ukon expired na ang ila franchise.
Suno kay Atty. Manlapao, may yara na sang ruling ang Korte Suprema sang 2003 sa kaso sang Associated Communications & Wireless Service-United Broadcasting Networks vs NTC sa diin indi pwedi maka-operate ang isa ka media entity kun wala sang prangkisa.
Dugang pa ni Manlapao, wala na kuntani naglab-ot sa ini nga punto kun nagtinguha ang lider sang ABS-CBN nga makakuha sang franchise, kun nag reach-out ang mga ini sa Kongreso, kag kun nagtuyo man ang Kongreso nga padasigon ang pagtalakay sa mga pending bills para sa legislative franchise sang kompaniya.
Pwedi man mag-file sang Temporary Restraining Order (TRO) ang kompaniya suno kay Manlapao, apang duda ini nga i-grant sang korte, bangud kun legalidad ang lantawon, wala na sang basehan ang ABS-CBN bangud nag-expire na ang ila legislative franchise sang Mayo 4,
[image: image.png]
