Nikabat sa 68-mil pesos nga kantidad sa shabu ang nakuha sa Philippine Drug Enforcement Agency o PDEA Region 10 gikan sa giilang number 10 target-listed personality sa Cagayan de Oro.
Giila ni PDEA 10 Director Wilkins Villanueva ang suspek nga mao ang 45 anyos nga si Raymond Baconguis Inson, ulitawo ug taga Purok 8, Maitom, Upper Puerto ning syudad.
Nakuha gikan kang Inson ang upat ka sachet sa shabu nga nitimbang og kapin 18 grams ug usa ka libo ka pesos nga buy bust money.
Gisikop sa PDEA 10 Provincial Special Enforcement Team sa Misamis Oriental ang suspek niadtong Biyernes sa buntag sa nasangpit nga dapit.
Kasong paglapas sa Republic Act 9165 o Comprehensive Dangerous Drugs Act of 2002 ang atubangon sa suspek.
Facebook Comments
