Nasikop sa kapulisan sa El Salvador City Police Station ang giilang number 3 most wanted person sa Davao City Police Office mga alas 6:30 kagahapon sa buntag.
Matud ni Police Supt. Randy Anito, Chief of Police sa El Salvador City Police Station nga ang suspek mao ang 35 anyos nga si Artemio Palen, minyo ug taga Zone 1, Barangay Molugan, El Salvador City.
Si Palen nag-atubang sa kasong attempted murder ug temporaryong makagawas kung makapiyansa og 120-mil pesos.
Gisikop ang suspek pinaagi sa mga operatiba sa El Salvador City Police Station sa pagpangulo sa ilang Deputy Chief of Police nga si Police Chief Insp. Alinor Pantao Mautante.
Facebook Comments
