General Santos City—sikop ang number 3 most wanted person sa Polomolok, South Cotabato atol sa gihimong operasyon sa Polomolok MunicipalPolice Station sa Purok 4, Brgy. Glamang, Polomolok, pasado alas 6:00 ang takna sa gabie sa nakalabayng adlaw.
Ang suspek nailhang si Arcenio Manlabao Yunson, 30, minyo, residente sa Purok Mabuhay, Brgy. Silway 8 Polomolok.
Nasikop ang nahisgutan pinaagi sa warrant of arrest sa sala ni Hon. Judge Allan Edwin P. Boncavil sa Regional Trial Court, Branch 62, Polomolok, South Cotabato sa paglapas sa section 11, Article II sa R.A. 9165 ilawom sa Criminal Case number 4668-16.
Mukabat sa P200,000 ang pyansa nga girekomenda sa Korte sa kaso sa nahisgutan alang sa temporaryo niining kagawasan.
Sa kasamtagan ang suspek pabiling balhog sa silda sa Polomolok Police Station ug Commitment Order nalang ang gihuwat aron nga mabalhin na kini sa Polomolok, Municipal Jail.
