Gipasakaan na og kaso sa Philippine Drug Enforcement Agency o PDEA-10 sa pagpanguna ni Director Wilkins Villanueva ang giilang top 5 target list drug personality ning syudad sa Cagayan de Oro.
Mahinumduman nga niadtong Disyembre 18 ning tuiga nasikop sa PDEA, kauban ang kapulisan sa Cagayan de Oro ang suspect nga nailang si Ruel Daguplo gamit ang Search Warrant nga gipagawas sa Regional Trial Court Branch 18 ning dakbayan.
Sa maong operasyon, lakip sa mga nasikop sila Warley Umaran, Remie Herodias ug Isagani Herodias nga puros taga Zone 3, San Lazaro, Lapasan, Cagayan de Oro City ug na-recover ang druga nga nagkantidad sa 102-mil pesos.
Lakip niini ang unom ka mga sachet sa gituohang shabu nga nagtimbang sa 15 gramos ug mga drug paraphernalia.
Sa karon, detinado ang mga suspect sa PDEA Region 10 mini cell ug nag-atubang sa kasong pagsupak sa Article II sa Republic Act 9165 o Comprehensive Dangerous Drugs Act of 2002.
