General Santos City–Malampusong nasikop sa mga poersonahe sa naghiusang pwersa sa Police Station 8 ug Maasim Municipal Police Station ang top 7 most Wanted Person Sa Area Sa Police Station 8 sa ilahang gipahigayon nga operasyon sa Barangay Kamanga, Maasim, Sarangani Province alas 10:00 ang takna sa buntag.
Sumala pa ni Police Captain Robert Forres ang suspect ang usa ka minor de edad nga itago lang sa pangalang Ric-Ric , 17 anyos ug nanimuyo sa Barangay Fatima, Gensan.
Gisikop ang nahisgutang suspect pinasikad sa usa ka warrant of arrest sa kaso nga carnapping nga gipakanaug ni Hon Judge Renato Tampac sa RTC branch-59 niadtong July 9, 2019 nga walay girekomenda nga pyansa.
Dugang pa ni Forres nga tungod usa kini ka minor de edad gilayon man usab nila kini nga gi-turn-over sa CSWDO basi na usab sa mando sa korte.
Padayon man usab nga ginasuta sa Highway Patrol Group ug uban pang Police Station kung unsa kahalapad ang operasyon sa pagpangawat ug motorsiklo sa suspect ug kung kinsa ang mga kaubanan niini sa grupo.(Dave Silagan)
