Tatlo ka mga suldado ang napatay kag 52 ka iban pa ang napilasan matapos nagluntad ang engkwentro sa tunga sang Government troops kag Maute Group kagab-i.
Ginpahayag sang Western Mindanao Command (WesMinCom) nga ang pagkamatay sang mga suldado ang tuga sang naglupok nga improvised explosive devices (IEDs).
Dugang pa sang WesMinCom, nakaagum sang minor injuries ang mga pilason nga mga suldado.
Santo sa report sang Otoridad, naglab-ot na sa 136 ka mga suldado ang napatay samtang 620 naman ang napatay sa bahin sang militante nga grupo humalin sang nag-ibwal ang inaway sa tunga sang tropa sang gobyerno kag Maute group sadtong May 23.
(photo from web)
Facebook Comments
