Davao City- Hingpit na nga ipatuman sa City Transport and Traffic Management Office karong bulana ang pag-isyu og citation ticket batok sa mga violators sa Anti-Jaywalking Ordinance ug uban pang mga reglamento sa kadalanan.
Segun si CTTMO chief Dionisio Abude atol sa interbyu sa Rmn Davao nga magsugod na sila’g panakop karong September 11, 2017.
Nagpahimangno si Abude sa katawhan nga musubay sa balaod trapiko sa syudad aron dili sila ma-silotan.
Nakabutang sa citation ticket nga dunay multa nga 100 pesos para sa pedestrian samtang 200 pesos sa driver plus upat ka oras nga community service ug bayaran kini didto sa City Treasurer’s Office.
Segun ni Abude nga sulod sa usa ka semana kinahanglang ma-settle sa violator ang iyang offense.
Andam na sab ang mga traffic enforcers pag-isyu og citation tickets batok sa mga malapason sa nasangpit nga ordinansa sa syudad.
Tumong niining gipakusgang implementasyon batok jaywalking nga makunhuran ang aksidente sa kadalanan ug aron nga madecongest ang nagkagrabeng traffic sa Davao City.
Kasamang Aimee Guinita
