Davao City – Kun ugaling mapuno na ang mga State Universities and Colleges (SUCs), mamahimong mokuha og vocational courses ang pioneering K-12 batch nga bagohay lang nigradwar.
Atol sa interbyu kang National Youth Commission (NYC) Davao Region head Julius Gutierrez, gibutyag niini nga sagad sa mga kabatan-onan gusto mag abroad gani ang mga technical ug vocational course graduates usab ang in-demand sa laing nasud.
“Gusto nila mag abroad pero kelangan we need to capacitate them with technical and vocational courses and this is the initial stage to employment,” saysay niini.
Mientras mamahimo nang mupahimulos sa libreng edukasyon ngadto sa mga SUCs ug LUCs karong bulan sa Hunyo ang mga pioneering K-12 graduates nga gusto moeskwela sa kolehiyo apan ginasuta una kung unsa nga mga tunghaan sa Commission on Higher Education (CHED).
Gani karong Mayo 2, 2018 adunay meeting ang CHED kauban ang ubang stakeholders aron maresolba ang mga mulo kabahin sa K-12 program.
Sa pikas bahin, gibutyag ni Gutierrez nga sagad sa nikandidato sa Sangguniang Kabataan (SK) election mao ang mga kalalakinhan diin adunay 420 ka mga available slots alang sa SK chairpersons ug councilors.
Gani, nanghinaut si Gutierrez nga ma-aplika ug nga mopailawom sa mandatory training ang mga mukandidato diin subay sa RA 10742 kun Sangguniang Kabataan Reform Act of 2015.
Base sa record sa NYC aduna nay kapin 200,000 ka mga rehistradong botante sa Sangguniang Kabataan.
RadyoMaN Jason Amisola
