Nanawagan ang Office of the Civil Defense o OCD ngadto sa mga pamilya nga nawad-an og sakop atol sa Marawi siege nga mobisita sa ilang buhatan sa Department of Interior and Local Government o DILG Marawi o kaha sa Task Force Bangon Marawi, pinaagi sa OCD-Bangsamoro Autonomous Region in Muslim Mindanao o BARMM.
Kini aron magsumite sa mga rekisitos nga gikinahanglan sa pag-claim sa financial assistance sama sa death certifiate, certification gikan sa City Social Welfare and Development Office sa Marawi ug sa Barangay kung asa sila residente ug joint affidavit sa duha ka mga disinterested persons nga maka-establisar sa relasyon sa namatay ug sa claimant.
Kwalipikado niini nga financial assistance ang mga pamilya nga namatyan sa ilang sakop sugod sa May 23 hangtud sa unang quarter sa tuig 2017.
Mahimong namatay sila atol sa giyera o sa mga tambalanan o kaha sa mga evacuation centers.
