NEGROS OCCIDENTAL – Nagpa-gwa sang memorandum ang Office of the Civil Defense – Region 6 sa tanan nga mga Disaster Risk Reduction and Management Councils (DRRMCs) nga dapat mag-aligmat ang tanan nga mga flood prone areas.
Ini ang may kaangtanan sa ginakabalak-an nga pagsulod sang bagyo sa Pilipinas nga pagatawgon nga Ompong nga maga-tuga naman sang pagbaha sa Region 6 kasunod nga ini ang pagadugangan pa sang epekto sang southwest monsoon ukon Habagat.
Gina-remind sang OCD ang tanan nga disaster unit nga maghanda sa pag-sulod sang bagyo lakip na diri nga magpatigayon sang inventory sa tanan nga mga disaster equipment sumugod karon nga adlaw.
Samtang, gina-klaro naman sang PAG-ASA nga indi matuod ang naga-lagaw nga text nga magalab-ot ang kabaskugon sang bagyo tubtob sa 285 km per hour nga kaangay sang Yolanda./dyHB BACOLOD
