Dili gayod masayran kung kanus-a mahitabo ang linog.
Reaksyon kini sa Office of the Civil Defense kon OCD Region 10 human nga nasinatian ang mga pagtay-og sa Visayas.
Sa interview sa RMN Malaybalay ngadto kang Liza Mazo, regional director sa OCD-Northern Mindanao gibutyag ninii nga kaniadto pa aduna nay ligo nga nahitabo.
Bugtong ang timing lang matud pa sa linog ang dili mahibaw-an.
“Kung linog man gud mao na gyod ni siya, ever since kay given naman nang earthquake force, mao naman gyod ni ang atong kinaiyahan, iya na gyod nang kuan ba sa atong kalibutan. Ah..ang timing lang kung kanus-a, ang time, wah gyod ta kasayod ana…” matud ni Mazo.
Usa matud pa ka dakong pangutana kung andam na ba ang gobyerno ug publiko nga mu-atubang sa bisan unsa nga matang sa kalamidad nga muabot.
Matud sa regional director nga nga kasagaran ang pangutana matubag lamang paghuman na sa usa ka kalamidad.
“Kana ang lisod tubagon nga pangutana, even us sa mga partners nato ang local nga panggagamhanan…andam na ba ta? Kanang mu ingon ta ug ready na ta ayha na nato na mahibaw-an kung mahuman na ang kalamidad, human na ta gilinugan, gikan na ta gibagyuhan” dugang pamahayag ni Director Mazo.
Sa karon sigun ni Mazo nga ilang gibasehan sa pagpangandam ang nakalatid sa balaud gikan sa plano hangtod na sa pondo.
Matud ni Director Mazo nga bugtong hagit karon sa lokalidad ang pabansay-bansay, mahinungdanon matud pa kini gikan sa taas nga hutong hangtod na sa pinaka ubos nga hut-ong sa atong katilingban.
