OCD-XI: Magnitude 6 nga linog sa Davao Oriental, walay danyos

Davao City – Walay gika-report nga danyos ang Office of the Civil Defense (OCD)-XI sa magnitude 6 nga linog nga natala sa Tarragona, Davao Oriental alas 4:21 sa hapon kagahapong adlawa (Mayo 5, 2022).

Sa interbyu sa DXDC RMN Davao sa OCD-XI, gikabutyag walay danyos apan adunay gilaumang aftershocks human sa pagtay-og, diin nasinatian usab kini dinhi sa Davao City.

Sa datos sa Department of Science and Technology – Philippine Institute of Volcanology and Seismology (DOST-PHIVOLCS), namatikdan ang intensity sa musunod nga mga lugar: Intensity IV sa Tarragona, Caraga and Mati City, Davao Oriental; Intensity III – Cateel ug Manay, Davao Oriental; Tagum City ug Asuncion sa Davao del Norte; Nabunturan, Davao de Oro; Malungon, ug Alabel, Sarangani; Davao City; Tampakan, South Cotabato, Intensity II – Tupi, South Cotabato; General Santos City; Kiamba, Sarangani ug Intensity I – Santo Niño, South Cotabato; Palimbang, Sultan Kudarat.

Padayong nagpahinumdom ang OCD-XI sa publiko nga mahimong kalmado ug sundon ang mga angay buhaton panahon sa linog sama sa “duck, cover and hold” aron malikayan ang disgrasya.

RadyoMaN Kirby Manzon