Lalaking buot mupalusot og shabu sa TFD checkpoint nasakpan

Davao City – Arestado ang usa ka lalaki nga nagdala og iligal nga droga human kini naharang sa Task Force Davao (TFD) Checkpoint sa Lasang, Davao City kagahapong adlawa (Mayo 5, 2022).

Giila ang suspek nga si Johnrey Orang Dela Cruz, 41 anyos, minyo ug residente sa Villa Felipa, Magsaysay, Misamis Oriental, diin nakuhaan kini og 8.04 gramos sa gituohang shabu nga muabot sa P128,640 ang kantidad.

Sa interbyu sa DXDC RMN Davao kang Colonel Darren Comia, TFD Commander, gibutyag niini nga naaresto ang suspek atol sa pagpahigayon og City-wide Simulation Exercise (SIMEX) batok terorismo diin nagpatuman og temporary lockdown sa border control points.

“Nagkataon na during the lockdown (due to SIMEX), meron tayong na-apprehend na isang indibidwal coming from Misamis Oriental, and medyo malaki-laki ang dala niyang shabu. More than 8 grams ng shabu and around 120 thousand plus na worth, street value,” gibutyag ni Comia.

Nagpasalamat si Comia sa maong accomplishment sa tropa luyo sa gihimong SIMEX ug limitadong personahe tungod sa early deployment alang sa May 9, 2022 National and Local Election 2022.

Gikustodiya na sa Bunawan PNP ang suspek ug mag-atubang sa kasong paglapas sa Republic Act 9165 kun Comprehensive Dangerous Drugs Act of 2002.

RadyoMaN Kirby Manzon

Facebook Comments