Davao City – Nangandam na karon ang Office of Civil Defense (OCD-XI) sa umaabot na usab nga ting-init o El Nino weather phenomenon o mas nailang tinghuwaw.
Gibutyag ni Leslie Francisco, OCD-XI Information Officer nga naghimo na sila ug Technical Working Group meeting tali sa mga ginsakpan sa Regional Disaster and Risk Reduction Management Council kabahin sa umaabot nga tinghuwaw, apan giklaro ni Francisco dili tanto maapektohan ang rehiyon sa maong katalagman tungod kay usa kini ka meteorological event nga anaa sa ibabaw lamang nga bahin ug dili sa ubos.
Giingon pa sa information officer nga gisulti usab sa Philippine Atmospheric, Geophysical and Astronomical Services Administration (PAGASA) nga duna gihapoy masinatian nga mga pag-ulan sa rehiyon ug syudad sa Davao ani nga mga panahon.
Nanawagan usab sila sa katawhan isip kabahin sa pagpangandam nga maminaw sila sa mga ipagawas nga advisory sa mga hingtungdan ahensya sa gobyerno kabahin sa mga masinatiang kalamidad.
RadyoMaN Bernard Pantallon
