Davao City- Gipailawom sa DOST-Phivolcs Dynaslope Landslide Alert Level 1 ang Sitio Sagasa, Brgy. Dadong, Tarragona, Davao Oriental. Anaa sa 24 households o 40 ka residente ang anaa sa maong lugar.
Gipaigmat sa Office of the Civil Defense (OCD-XI) ang mga residente sa posibleng peligro.
Gibutyag ni Mark Louise Cirunay, OCD XI Operation Section chief sa interbyu sa DXDC RMN Davao, na-obserbahan nga nag-trigger kun adunay paglihok sa yuta sa gibutang nga device sa maong bukid.
Segun ni Cirunay, hugot ang ilang koordinasyon ug monitoring sa Provincial Disaster Risk Reduction and Management Office (PDRRMO) kung gikinahanglan molusad og preemptive evacuation sa mga apektadong mga residenteng nagpuyo sa maong barangay.
RadyoMaN Aimee Guinita
Facebook Comments
