Ivisan, Capiz- Magapatigayon sang ocular inspection ang Municipal Health Office sang banwa sang Ivisan sa ginareklamo nga VECS Poultry Processing Plant nga nahamtang sa sa Brgy Mianay, Ivisan.
Ginkumpirmar ni designated Sanitary Inspector Merhyll Oropeo , nga wala pa sang pormal nga reklamo nga nakalab-ot sa ila talatapan angut sa tuman ka baho nga waste materials nga gina-dispose padulong sa suba ukon sa bakante nga lote malapit sa amu nga lugar.
May kaangut sini, iya ginhenyo sa mga residente nga malapit sa VECS Poultry Processing Plant nga magdihon ang mga ini sang pormal nga reklamo angut sa problema.
Suno diri nga tuman ka peligroso sa palibot kag may posibilidad nga magtuga ini sang halit sa ikaayong lawas sang tawo ang amo nga higko.
Matapos ang inspection, diri na magaobra sang rekomendasyon ang municipal health officer nga si Dra Mignon Andrada padulong sa talatapan sang alkalde sang Ivisan.
