OFW gibulagan sa boyfriend buot bawion ang tanan nga nahatag

Davao City– Tungod sa kasakit nga gibati sa usa ka OFW nga babaye human gibulagan sa iyang boyfriend nga sekyu, buot na niini bawion ang tanan nga iyang nahatag sa iyang kanhi hinigugma.

Nagmahay na karon si Vilma Galleco, 40 anyos, OFW sa Kuwait ug residente sa Bayview Km. 11 Sasa, ngano mihatag pa kini sa tanan nga gipangayo sa iyang uyab nga si Khemar Gaslang, 26 anyos.

Sigun ni Galleco nga sa manag-uyab pa sila nagpapalit kaniya ang sekyu og refrigator ug motor, butang nga wala niya gidalo kay lagi buot niini mapakita nga iyang pagmahal sa kanhi BF.


Apan wala damha ni Galleco nga bulagan ra sab siya sa sekyu pag-abot sa panahon.

Gumikan sa gibating kalagot ni Galleco, buot na niini kuhaon pag-usab ang refrigerator ug motor nga iyang gihatag kang Gaslang.

Nagpatabang sa Sasa PNP ang mao nga OFW aron makuha ang Ref ug Motorsiklo gikan sa lalake nga iyang gimahal sa tibuok niyang kinabuhi apan sa kaulahian samaran ra diay ang iyang kasingkasing.

RadyoMan Joel Viray

Facebook Comments