Tungod niini nagpatala sa Sta. Ana Police Station ang biktimang iyaan nga giilang si Alyas Majorie, hamtong ang pangidaron, minyo, OFW ug nagpuyo sa Brgy. 21-C ning dakbayan human kini gitabangan og kulata sa iyang mga pag-umangkong magsuon nga giilang sila Alyas Andy ug Donita, mga residente ra usab sa naasoy nga dapit.
Sa pamahayag sa iyaan, kalit lang misiyagit sa gawas sa ilang balay si Alyas Donita uban sa maot nga mga pulong nga “Manggawas ang mga nawong og kwarta” dungan sa pagtudlo-tudlo niini ngadto sa biktima.
Giingong gihapak sa biktima ang kamot ni Donita nga maoy nahimong sugnod aron musilaob ang pagpangulata ni Donita ug sa igsuon niining lalaki ngadto sa biktima.
Base sa medical examination nga gipagawas sa Southern Philippines Medical Center, ang biktima nakahiagom og soft tissue-contusion left and right zygomatic area; hematoma upper lip; superficial laceration lower lip secondary, human kini kulataha sa magsuong pag-umangkon.
Ang Sta.Ana Police Staion, nihimo na og dugang pagpanubay kabahin sa naasoy nga panghitabo.
RadyoMaN Joel Viray
