TACLOBAN CITY – Patay na han maki-at an anay nga magtiayon ha sakob han usa nga panimalay ha Adelfa St. V&G Subdivision, Tacloban City kakukop, April 30, 2019.
Subay ha report han Police Regional Office 8, ginkilala an babayi nga hi Marilou Aler, 63 anyos, may asawa, usa nga Overseas Filipino Worker ha United States ngan residente ha nasabi nga lugar.
Ginkilala naman an suspek nga ex-husband hini nga hi Antonio Aler, 66 anyos, residente ha 62-B Sagkahan han syudad.
Ha inisyal nga imbistigasyon, mayada binun-an ha liog han OFW nga hi Aler. Samtang, an ex-husband hini in mayada binun-an ha tiyan ngan mayada kapot nga kutsilyo nga gin-aaligar nagpakamatay matapos bun-on an iya ex-wife.
Kauuli la han OFW ha Tacloban kasangkulop, April 29.
Ha pagka yana, nagpapadayon pa an imbistigasyon.
