Report ni: Jennifer Palomo Debaja
Surprise “gift” para sa mga anak sa pagsaulog sang “Mother’s Day” ang mahibaluan buhi pa ang ila iloy nga masobra na 7 katuig ang ila pag pangita.
Siya si Nanay Yolanda Aniban Visitacion, 59 anyos sang Mansilingan, Bacolod City kag naka pamana sa Ilocos.
Nakalab-ot sa aton ang pag pangayo sang bulig ni Nanay Yolly nga marescue paagi sa social media. Ginbuligan ini siya ni Eileen nga makuhaan sang video sang nag pa cater ang amo ni Nanay Yolly sa kumpanya nga gina obrahan sang good samaritan naton nga kapwa pinay.
Sa pag pakig angot naton sa iya anak nga si Katrina, 2008 pa naghalin ang ila iloy kag isa ka mananahi ang obra sa Riyadh apang sang magsaylo ini sang amo 7 katuig ang nagligad wala na sila sang kontak sa iya.
Sa panaysayon naman sang utod ni Nanay Yolly nga si Sir Jerry Aniban via messenger, 10 na katuig nga wala nakapauli ang magulang sa Mansilingan kag nagpati na gani ang mga himata nga wala na sang tsansa nga makit-an pa ini. Dugang ni sir Jerry pang anum si nanay Yolly sa 11 sila nga mag ulutod. Maga selebrar man sang iya ika-60 anyos nga kaadlawan si Nanay Yolly sa maabot nga Agosto.
Base sa pahayag ni Nanay Yolly sa video, indi gid ok ang tratasyon sang amo sa iya. Tagsa ka sugo may panakit gamit ang kamot o tiil sa pag patupa man kay nanay Yolly. Dugang pa ni nanay, indi na makakita ang pihak nga mata kag naga blurred naman ang isa pa ka mata sini.
Nahibaluan man nga sarado na ang agency nga amu ang nagpalakat sa iya sa Saudi kag posible TNT na ini kag expired na ang pasaporte .
Sa bulig sang aton himpit nga PRAYERS, I know marescue gid si Nanay Yolanda Aniban sa gilayon.
Sa karon, naka coordinate na ang amon grupo nga OFW Public Service sa embahada sa Middle East kag dala ang paglaum nga marescue na si Nanay Yolly kag makapauli na sa iya pamilya.
