Roxas City, Capiz – Nag-apelar subong sang bulig ang pamilya sang 35-anyos nga OFW nga taga Brgy Balat-an banwa sang Mambusao.
Ini matapos nga siya ang ginbilin kag ginpabay-an sang amo nga Iraqi sa ila poluy-an pungsod Iraq.
Suno kay Rachel Orleans Lopez, gamit sini sa pag-communicate sa pamilya ang napulotan nga simnet apang tubtob na gid lamang sa maabot nga Hulyo 31 ang internet connection.
Ginpahayag sini nga sang nakaligad nga Hunyo 24, gindala ini sang iya amo sa Iraq apang Hulyo 13 nagbalik ang mga ini sa Jordan kun sa diin siya ang ginbilin sa poluy-an.
Rason sang mga ini nga indi siya maka-upod bangud expired na ang iya visa gani kinahanglan nga iproseso apang nagligad lamang ang pila ka inadlaw sang paghulat sini, negatibo ang sabat sang mga amo.
Gintinguhaan nila nga paupdon ini sa pagbalik sa Jordan apang ginharang siya sa airport.
Ginpangakuan man ini nga balikan kag padal-an sang pagkaon apang tubtob sa subong nga mga tinion wala sa gihapon sang may nakabalik nga amo niya.
