OFW sa Malaysia nga gimingaw sa iyang pamilya, nakauli na human matabangan sa Provincial Government pinaagi sa PESO

Nakauli na sa ilang pinuy-anan sa Luyong Bonbon, Opol Misamis Oriental ang usa ka OFW nga si Jean Naelga human matabangan sa Provicial Government pinaagi sa Public Employment Services Office o PESO.

Si Naelga nahimong caregiver sa Malaysia sulod sa unom ka bulan ug nakadisisyon kining mopauli tungod sa kamingaw sa iyang pamilya hinungdang midangop kini sa provincial government.

Diretso usab nga gitubag sa probinsya ang hangyo ni Naelga ug gilayon kining gihatagan sa kantidad nga 25-mil pesos.

Tungod niini, mipadayag sa iyang pasalamat ang OFW nga si Jean Naelga alang kang Gov. Bambi Emano.