Nagbabala ang Migrant Workers Office sa Qatar sa mga OFW na sumunod sa batas ng nasabing bansa.
Kasunod ito ng pagkakaaresto at pagpapa-deport sa ilang indibidwal matapos gumawa ng kalaswaan sa mga pampublikong lugar.
Ayon sa Migrant Workers Office sa Qatar, ilan sa mga naaresto ay nakulong at naipa-deport na bagamat hindi naman tinukoy kung sinu-sino ang mga ito.
Batay sa Immoral and Disgraceful Acts ng Qatar, maaaring makulong ng anim na buwan at pagmultahin ng hanggang tatlong libong Qatari Riyals o mahigit 47,000 pesos ang mapatutunayang gumawa ng kalaswaan sa mga pampublikong lugar.
Kabilang sa mga ipinagbabawal sa Qatar ang crossdressing o pagdadamit babae ng mga lalake at pagdadamit lalake ng mga babae.
Facebook Comments
