Davao City – Konswelo lamang sumala pa sa kasuko sa mga drivers ang ginapatumang dadag-bawas sa presyo sa petrolyo.
Sa pakighinabi sa DXDC RMN Davao kang Rick Baron, tigpamaba sa grupong Transmision-Piston XI nga ilang na-oberbahan sukad pa sauna basta padulong na ang eleksyon, nagapatuman gayud ang mga kumpanya sa lana og dagdag-bawas sa presyo sa ilang produkto. Apan naglaum na sumala pa sila sa pinakataas nga presyo sa lana human sa eleksyon sa sunod tuig.
Gi-angkon ni Baron nga adunay alibyo alang sa mga drivers ang maong dagdag-bawas presyo sa lana sa kasamtangan apan padayon gihapon kining nanawagan sa gobyerno labi na sa pangulo nga matan-aw niini ang kahimtang sa mga drivers ug operators.
Nasayran nga karong adlawa gikatakdang magpatuman ang mga kumpanya sa lana og dugang presyo sa ilang gasolina ug bawas sa presyo sa diesel ug kerosene.
Nasayran nga anaa sa P0.40 ang idugang sa matag litro sa gasolina samtang P0.10 usab ang ibawas sa matag litro sa diesel. Sa kerosene, anaa sa P0.45 ang ikunhod sa matag litro niini. Epektibo ang maong bag-ong presyo sugod alas-6 karong buntag.
RadyoMaN Kirby Manzon
