Davao City – Dili pa matawag nga bigtime rollback ang sunod sunod nga pagkunhod sa presyo sa mga produkto sa lana dinhi sa Pilipinas bisan pa anaa na kini sa ikawalo nga pagbaba-presyo.
Kini mao ang gibarugan karon ni Transmission Piston-Southern Mindanao spokesperson Ricardo Baron kinsa mibutyag nga kinahanglan mubaba pa ang presyo sa gasolina ngadto sa P38 samtang P27 alang sa presyo sa krudo.
Hinuon, giuyonan ni Baron nga aduna kini gamay nga alibyo alang sa mga drivers apan lantaw niini nga temporaryo lamang kini sanglit hapit na ang 2019 midterm elections.
Subay niini, magpahigayon og picket rally ang ilang grupo sabay sa Nationwide Protest Rally karong Disyembre 10 gani giawhag niini ang mga drivers nga mutambong aron ipasibaw ang ilang mga mulo ug gibati.
RadyoMaN Jason Amisola
