Gin-umpisahan na sang Office of the Municipal Agriculturist (OMAG) sang Surallah ang pagpangdakop sang mga stray dogs sa banwa paagi sa paglunsar sang operation SICPAW ukon Sustainable Initiative through an Appropriate Control measures for the Protection and Prevention of the People Against Rabies Willfully.
Samtang ang pagpangdakop sang mga stray dogs ang base naman sa ginpasar nga Municipal Ordinance No.08 series of 2018 ukon An Ordinance Requiring the Registration and Administration of Stray Dogs and Providing Penalties for Violations thereof sang Sangguniang Bayan.
Ang Operation SICPAW ang ginpatigayon tungod sa gin-istablisar na nga Dog Pound Facility nga nahamtang sa Brgy. Centrala, Surallah South Cotabato nga ginadumalahan sang Office of the Municipal Agriculturist (OMAg).
Ang tanan naman nga madakpan nga ido nga yara lang sa dalan ang ibutang sa dog pound facility kag kon indi magawad sang tag-iya ang ipaadoptar kag kon wala sang mag-adoptar ang ipaidalom sa mercy killing.
Nahibaluan nga ginpondohan sang provincial government, ang nasambit nga pasilidad kag ang operational cost naman ang iya na ka LGU.
Katuyuan naman sang nasambit nga tikang sang LGU Surallah ang agud nga masolusyunan ang problema sa dogbites, rabies kag disgrasya sa mga dalanon tungod sa mga stray dogs.
credit to LGU Surallah
