BACOLOD CITY – Natalana nga pagasabton sang kampo ni Bacolod City Mayor Evelio Bing Leonardia sa Sandigan Bayan ukon bisan pa sa Supreme Court ang kaso criminal nga ginpasaka batuk sa iya angut sa ginasiling maanomaliya nga pagbakal sang P50 million nga furniture and fixtures sa Bacolod Government Center.
Ini kasunod nga gindeny sang Office of the Ombudsman ang Motion for Reconsideration nga ila gin-file angut sa amo nga kaso.
Ginklaro ni Mayor Leonardia nga ang desisyon nga ginpa-gwa sang Ombudsman ang denial gid lamang sang ila gin-file nga MR kag indi pa suspension, gani wala sang dapat ika-hangawa ang iya mga supporters.
Suno kay Leonardia nga sa kampo naman ni Sarah Esguerra, aany Admin Head sang nagligad nga adminitrasyon, naghalin ang press release nga gin-deny ang iya MR sa diin iya naman ginakabig ini nga pagpagsabotahe bangud nga imbes mag-trabaho ini sang maayo, naga-usik lang ang ila tiempo sa pagsabat sang mga panumbungon sa korte.
Suno sa alkalde na nagapangita lang sang patas ang kampo ni anay Congressman kag Mayor Monico Puentevella bangud nga indi naman sila kabulos kag indi naman nila mada-ug kon may yara sang eleskyon.
Payag naman sang abogado ni Mayor Leonardia nga si Atty. Joselito Bayatan, indi pa final ang desisyon angot s MR bangod wala pa naresolba ang Ombudsman sa ila ginpaapas nga dapat resolbahon.
Apang kon magsaka gid man sa Sandigan Bayan handa man sila nga magpyansa kon magguwa ang warrant of arrest nga sa ila tantya mga P30,000 pesos.
Para kay Bayatan, wala sang kahangaw-an ang mga supporters sang alkalde bangod indi matuod ang mga ginapalagaw nga mga impormasyon nga mapahalin na sa City Hall si Leonardia.
Sang Mayo 16, 2017 nagpaguwa sang desisyon si Ombudsman Conchita Carpio Morales nga ginadeny ang motion for reconsideration nanday Leonardia kag syam pa ka mga department heads.
Ang kaso ang nag-ugat sa complaint nga ginfile sadtong 2008 ni Mr. Francisco Puey matapos nga ginpaboran ang Comfac, isa ka Information and Technology company nga nagsupply sang mga furnitures kag fixtures sa bag-o lang natukod nga Bacolod Government Center.
Sang nagligad nga December 13, 2016 isa ka separado nga resolution ang gindagdag sang Ombudsman angot sa administrative aspect sang kaso sa diin nakit-an nga may salabton sanday Leonardia sa paglapas sa RA 3019 (Anti-Graft and Corrupt Practices Act). Ini sila ang may penaledad nga perpetual disqualification from holding public office, cancellation of civil service eligibility kag forfeiture of retirement benefits.
Apang nakakuha si Leonardia sang Temporary Restraining Order kag sa ulihi injunction sa Court of Appeals samtang iya mga kaupdanan ang gindismiss gid sa pagpatuman sang Department of Interior and Local Government (DILG).
Ang siyam amu sanday Atty. Goldwyn Nifras, nga amu ang chairman sadto sang Bids and Awards Committee (BAC) chairperson; Department of Public Services head Nelson Sedillo Sr.; City Engineer Belly Aguillon; City Engineer Aladino Agbones; City Engineer Jaries Ebenizer Encabo; BAC Secretariat head Melvin Recabar; anay City Budget Officer Luzviminda Treyes, anay City Accountant Eduardo Ravena, kag anay City Treasurer Annabelle Badajos.
