Tatlo ka semana na lang ang nabilin kag magabukas na liwat ang isla sang Boracay para sa mga turista apang tubtob subong wala pa matapos ang mga dalanon sa isla.
Bangud sini, tuman nga kagutok sang trapiko
ang naekpiryensyahan padulong sa beachfront.
Aminado si Executive Assistant to the Mayor Rowen Aguirre sang Malay, Aklan nga panghangkat ini sa palaabuton nga pagbukas sang isla para sa mga turista.
Para maresolba ang problema, nagdeploy sang traffic enforcers ang LGU-Malay sa mga ginakay-o nga dalan para makalikaw sa dugang pa nga aberya..
Ang pagtapos naman sang proyekto ang ginatugyan sang LGU-Malay sa Department of Public Works and Highways.
Sa Oktubre 26 na magabukas liwat ang Isla sang Boracay matapos ginsiraduhan ini sang Abril 26 agud ipaidalum sa rehabilitasyon.
