One Cebu ug Hugpong ng Pagbabago kon HNP pormal nang mosilyo sa ilang pag-alyansa

Opisyal nang mosilyo sa ilang alyansa sila si Kongresista ug Gubernatorial candidate Gwen Garcia ug Davao City Mayor Sara Duterte sa Hugpong ng Pagbabago kon HNP pinaagi sa paglagda og kasabotan ugma sa buntag sa lungsod sa Liloan .

Ang lungsod sa Liloan sa fifth district sa Sugbo nasuta nga naghatod kini og labing dako ug mayoriya nga botos alang kang Presidente Rodrigo Duterte niadtong milabay’ng eleksyon .

Ang maong political alliance gipanglantawan nga moresulta kini sa lig-on nga partnership alang sa duha ka partido diin ang HNP mihulma na og alyansa sa nagkadaiyang rehiyon lukop nasud ug ang One Cebu nga dunay kumpleto na nga han-ay sa tanang 44 ka munisipalidad ug pito ka syudad sa probinsya alang sa umaabot nga eleksyon .


Nasayran nga si Mayor Sara uban ang mga senatorial candidate sa HNP mopahigayon sab og campaign rallies sa liloan ug dakbayan sa danao .

Facebook Comments