General Santos City— Gipaklaro ni Police Chief Superintendent Marcelo Morales, Regional Director sa Police Regional Office 12 nga ang one strike policy ang alang sa mga Chief Of Police higayon nga madakpan ang ilahang sakop nga lambigit sa unsa mang illegal nga aktibidad.
Lakip sa mga ground mao ang pagkalambigit sa managlahing krimen o dili ba kaha pagsupak sa Pnp guidelines sama sa gihimo ni PO1 Rasel Blabagno.
Pagpaklaro ni General Morales nga apil sa ilahang ginasuta mao ang wala pagperform ug sakto sa mga hepe sa kapulisan apan kini ang ilahang gina-validate pinaagi sa mga meeting ug evaluation.
Dugang pamahayag ni General Morales nga hugot nila kining ginapatuman sa rehiyon isip parte sa pagdisiplina sa mga pulis.
Kung asa gihingusgan niini nga ang pagdisiplina ang dili lang himuon sa mga Police Non Commissioned Officer kundili bisan na sa mga hepe ug immediate supervisior.
Sama sa nahitabo sa kaso ni PO1 Rasel Blabagno kung asa lakip nga narelib silang Police Chief Inspector Rexor canoy, hepe sa Police Station 4 ug Police Chief Inspector Joseph Forro nga labaw sa Mobile patrol Unit kung asa miyembro si PO1 Blabagno.
