Aminado si Bacolod City Vice Mayor El Cid Familiaran nga mabudlay ang ginaduso sang Department of Education (DepEd) nga online learning sa tunga sang COVID-19 pandemic ilabi na sa mga pigado nga estudyante nga wala sang computer ukon laptop kag wala man sang internet connection ang ila nga puluy-an.
Bangud sini, ginasuhestyon ni Familiaran sa DepEd nga maghimo sang mga estratehiya nga mapasiguro nga mahatagan sang de-kalidad nga edukasyon ang mga estudyante.
Suhestyon sang bise-alkalde sa DepED, ang mga estudyante lamang nga may laptop ukon computer ang ipaidalom sa online classes samtang ang mga wala naman amo ang pakadtuon sa eskwelahan.
Apang suno sa iya dapat nga panubuan ang oras sang ila klase kag hatagan na lang sang madamo nga home works, basta nga gina-observe man ang physical distancing sa klase.
Samtang, indi man pabor si Familiaran sa pagbukas sang klase sa Agosto 24, 2020 bangud nga mabutang ang mga estudyante sa delikado ilabi pa nga wala pa man sang bakuna kontra coronavirus.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
