Davao City – Gipahimangnoan sa Davao City Tourism Office ang mga Dabawenyong konsumante nga mag-amping sa pag-avail sa mga online tour ug wedding packages nga ginapromotar online.
Kini human ubay-ubay na ang naga reklamo bahin sa pagka-scam sa publiko sa matud pa online services.
Sumala ni City Tourism Officer Generose Tecson nga sutaon una kung adunay business permits ang mga online businesses ayha pa man makigtransak.
“Kasi most of those na nirereklamo walang business permits, if meron man pasok na, so ibig sabihin hindi sila nakarenew,” tataw niini.
Gani, padayong ginasubay karon sa CTO ang maong mga reklamo ug giawhag ang mga biktima nga pormal nga mureklamo pinaagi sa sulat aron adunay basehan ang maong complaint inay i-post lang sa kaugalingong social media accounts.
Gisugilon ni Tecson nga responsibilidad sa konsumante nga sigurohang legal ang ilang transaksyon samtang dili dayon magpadala sa mga offers nga makita lang online.
RadyoMaN Jason Amisola
