Napahimuslan sa katawhan ning syudad ang bag-ong inobasyon sa City Treasurers Office nga mao ang tax payment and billing system.
Matud ni City Treasurer Ramon Antonio Mendoza, nga gigamit na sa ilang buhatan ang bag-ong Sistema, atol sa tinuig nga renewal sa business permit, sugod niadtong Enero 3 ning tuiga.
Nasayran nga ang deadline sa renewal sa mga business permit, karon ng Enero 20, 2018.
Ang online tax payment and billing system sa Cityhall ma-access sa official website sa dakbayan nga mao ang; www.cagayandeoro.gov.ph
Tumong niini nga dili mahasol ang mga magbubuhis ug negosyante sa paglukat sa ilang business permit, o pagabayad sa business tax, real property tax, ug uban pang bayrunon sama sa building fees, traffic violation, ug market stall rental.
By; Radyoman Aiza Enloran
