General Santos City–Gipaklaro ni Gensan City Mayor Ronnel Rivera nga kinahanglan lang magpakita ug identification cards sa mga checkpoints sa syudad ang mga online seller aron nga sila tugtang makalusot sa mga checkpoints.
Sumala pa sa Mayor nga kung walay ID’s, ang business permit nga gikan sa Local Government sa Gensan ang pwede nilang ipakita sa mga checkpoint isip pamatuod nga essential ang ilang trabaho.
Apan kung walay mapakita nga business permit nga gikan sa LGU-Gensan o walay Ipakitang ID, dili gyud sila tugtan nga makalabang sa Checkpoint.
Samtang gipaklaro usab ni Mayor Rivera nga kinahanglan gyud sa mga online seller ang business permit sa ilang pagpamaligya sa ilang produkto sa tumong nga ma-regulate ang mga online seller nga naga-operate dinhi sa dakbayan.(CDS)
