Onse ka baka ang gipang apod-apod sa Department of Veterinary Office sa pagdumala ni Dr. Benjamin Resma ngadto sa Cogon Farmers Association sa El Salvador City.
Pasabot ni Resma, ang unang anak sa baka maoy ihatag sa provincial government ug ang ikaduha maangkon na sa nagbuhi niini.
Ang ikatulong anak ibalik na usab sa gobyerno ug ang ikaupat hangtod ikawalong anak ang mopaingon sa asosasyon.
Gipahibalo usab ni Resma nga una silang nagpadala og sulat ngadto kang Gob. Yevgeny Emano dayung gipasa sa Department of Agriculture ayha nila nahatag ang request sa maong asosasyon nga makaangkon og binuhing baka.
Alayon niini, gipahibalo ni Resma nga kung dunay hangyo ang mga asosasyon, magpadala lang sila’g sulat nga naka-address kang Gob. Emano ug ila gilayong tabangan direkta sa D-A.
