Onse lagmit ikiha sa NCCC Mall fire

54

Davao City – Misaka na sa onse ka mga opisyal sa Bureau of Fire protection kun BFP ang posibleng mapasakaan og kaso og makita nga dunay kalapasan sa pag-isyu og Fire Safety Inspection Certificate (FSIC) sa NCCC Mall Davao.

Kini ang gibutyag ni ni Inter Agency Anti-Arson Task Force (IATF) spokesperson S/Supt. Jerry Candido atol sa interbyu sa DXDC RMN Davao kaniya.

‘Yes, last thursday nagmeeting ulit kami at 11 po sila na pwedeng makasuhan but ang iba sa kanila purely sa administrative not so much connected with fire but because we found out na ang scope relating sa fire safety inspection hindi nila nasunod so kasama sila doon,” sigun ni Candido.

Dili pa usab mabutyag ni Candido ang mga pangalan niini sanglit kinahanglan pang makumpleto ang mga gikinahanglang mga dokumento ug lauman nga makuha kini sunod semana.

Sa karon, wala gihapon nakahatag ang BFP og mga gikinahanglang dokumento gikan sa tuig 2003 kutob 2012 diin sumala pa Supt. Emilio Langkay, ang city fire marshall nga imbestigahan nila ang pagkawala sa mga importanteng dokumento.

RadyoMaN Renz Barbarona

Facebook Comments