Sa labing unang higayun, ipahigayun sa Robinson’ Place ground ang pagbukas sa 23rd Caraga Regional Athletic Meet (CRAM) 2018 karong Pebrero 25 ning tuiga. Gipasabot ni Elizalde Bernales sa DEPED nga gituyu nga diha sa Robinson’s Place himoon ang pagbukas sa 23rd CRAM aron makalikay ang mga atleta sa kahasul kung mobundak ang ulan ilabina nga lapok ug mobanaw ang tubig baha diha sa Sports Complex sa brgy. Libertad ning syudad sa Butuan. Gumikan niini, nahukman nga 2 lang ka mga dula ang ipahigayun sa Libertad Sports Complex ug ang 16 ka mga sports events didto sa Buenavista ug Nasipit, Agusan del Norte himoon. Tungod niini, dili maisip nga host ang dakbayan sa Butuan alang sa 23rd CRAM kondili ang DEPED Agusan del Norte. Nagpasalamat ang DEPED Regional Office kang Mayor Ronnievic Lagnada nga nitanyag nga dinhi sa Butuan himoon ang CRAM 2018 human misibug ang Siargao Island Division isip host sa Palarong Panrehiyon karong tuiga. Sent from my Samsung Galaxy smartphone.
