Kalibo, Aklan – Uwa gid makapugong rong bunok nga uean kahapon para sa Opening Salvo it Kalibo Sto. Niño Ati-atihan 2020.
Gin umpisahan raya pinaagi sa sangka santos nga misa ag pagprosesyon it ko imahe si Sr. Sto. Niño De Kalibo sa palibot it Pastrana Park ag kamana man ro mga grupo nga nag intra.
Ro nasambit nga pag-umpisa hay ginsaksihan man it mga ginatos nga mga Aklanon ag bisita.
Samtang sa pihak nga parte, pila ka mga kumosyon rong narekord it Kalibo PNP kabii nga nagtuhaw samtang sigidas rong pagsinad-sad bangud nga rong iba hay sagad eon eon sa ininum nga makahililong nga ilimnun.
Ro mga involve sa mga kumosyon ag pagtuga it iba pang gulo hay gin papahuway sa lock up cell it Kalibo PNP.
May pila man ka mga naaresto rong kapulisan bangud sa pagbayolar sa mga Municipal Ordinance it Kalibo kaman kung pag sigarilyo sa publiko ag pag bitbit it ilimon nga de bote.
Sanda ra hay detained man sa lock up cell it Kalibo PNP ag pagapabayaron it nagakaigo nga pinalidad.
(ctto)
