Kalibo, Aklan – Uwa gid matabangi rong sangka padre de pamilya matapos nga magbigti kaina it agahon sa Brgy. Andagao, Kalibo, Aklan.
Base sa nabuoe nga impormasyon it RMN DYKR Kalibo nga napan-uhan eon lang raya ko anang sangka Grade 9 nga ungang eaeaki nga nakabigti.
Insigida nga nagpasayod sa andang kapamilya rong unga ag dayon nga ginhingabot pa raya sa hospital pero uwa eon makasalbar.
Nasayuran nga bueag sa asawa ro biktima ag masami nga naga ininom it aeak.
Sa makaron padayon pa ro imbestigasyon it Kalibo PNP agud matumod ro motibo it anang pagpakamatay.
(Ginhungod it DYKR nga uwa eon pag mention rong pangaean bangud man sa hinyo it pamilya).
Facebook Comments
