Operasyon batok mahal na presyo sa Marine Products suyod sa Merkado sa Surigao City tagpahigayon

> JUST IN! Operasyon batok mahal na tagbaligya na Marine Products suyod sa Surigao City Public Market tagpahigayon. Ini pinaagi sa pagpanguna ni City Administrator Atty. Jerry Centro kaiban an personahe sa Public Market, Phil. National Police ug City Agriculture Office. Sa paglibot-libot nan Team tagmanduan an mga namaligya na mosunod sa price ceiling base sa nahilatid sa City Ordinance No.399 series of 2012. An mga dili makasunod kay mahal an kumprada an tagpahipos sa pag-display. Lakip na nadiskubrehan nan mga otoridad na may managlahi na price tag sa kada tagdisplay, lahi an presyo sa atubangan ug sa likod na bahin. > > > >